आयोजक कैलाली उद्योग वाणिज्य संघका सचिव तथा सांस्कृतिक संयोजक प्रकाश चन्दका अनुसार आजको कार्यक्रममा चक्र बम र रचना रिमालसँगै गुड्डु ओली, रोहित ढुंगाना, निरज बी.के. तथा सरस्वती धामी लगायतका कलाकारहरूको प्रस्तुति रहनेछ। कलाकारहरूले आधुनिक, लोक तथा देउडा गीत–संगीतमार्फत दर्शकलाई झुमाउने आयोजकको अपेक्षा छ।
मंसिर २२ गतेदेखि सुरु भएको सुदूरपश्चिम महोत्सव पुस २ गतेसम्म सञ्चालन हुने आयोजकले जनाएको छ। महोत्सवमा सांस्कृतिक कार्यक्रमसँगै विभिन्न औद्योगिक, व्यापारिक तथा कृषि प्रदर्शनी, स्थानीय उत्पादनका स्टल, खानपान तथा बाल मनोरञ्जनका आकर्षणहरू समेत रहेका छन्।
आयोजकले महोत्सव अवलोकन गरी कार्यक्रमको भरपुर मनोरञ्जन लिन सबैलाई आग्रह गरेको छ।
