कञ्चनपुर । शान्ति पुनर्स्थापना गृहले कञ्चनपुरका विभिन्न स्थान र सीमानाकाबाट २ सय ४६ जना महिला, किशोरी तथा बालबालिकाको उद्धार गरेको छ।
संस्थाले दिएको जानकारी अनुसार, आर्थिक वर्ष २०८१/८२ मा जिल्लाभरका सीमानाका तथा अन्य स्थानहरूबाट उद्धार कार्य गरिएको हो।
शान्ति पुनर्स्थापना गृह कञ्चनपुर शाखाका पर्यवेक्षक मनिषा न्यौपाने का अनुसार, उद्धार गरिएका बालबालिकालाई परिवारसँग पुनर्मिलन गराइएको छ।
उनका अनुसार,
- गड्डाचौकी नाकाबाट १७५ महिला तथा बालबालिका,
- उक्त नाका हुँदै भारत पसेका ३ महिला,
- लैङ्गिक हिंसामा परेकी १ महिला,
- बह्मदेव क्षेत्रबाट १८ जना,
- दोधारा चाँदनीबाट २८ जना,
- बेलौरीबाट १४ जना, र
- बेलडाँडी नाकाबाट भारत लैजाँदै गरिएका ७ महिला तथा बालिका उद्धार गरिएको थियो।
संस्थाका अनुसार, महिलालाई ललाइफकाई भारतमा बेचबिखन गर्ने समूहविरुद्ध कानुनी कारबाही समेत अघि बढाइएको छ।
गत आर्थिक वर्षमा ८ जनामाथि मानव बेचबिखन, ओसारपसार तथा जबरजस्ती करणीसम्बन्धी मुद्दा दर्ता गरिएको पर्यवेक्षक अन्जु चौधरी ले जानकारी दिइन्।
