कैलाली । कैलालीमा, विवाहमा एक किशोरमाथि कुटपिट भएको छ । घोडाघोडी नगरपालिका-७ का ओमबहादुर तिमलाको छोराको विवाहमा रमाइलो गर्ने क्रममा १५ वर्षीय किशोरमाथि कुटपिट भएको प्रहरीले बताएको छ ।
उनको धनगढीस्थित निसर्ग अस्पतालमा उपचार भइरहेको छ । किशोरमाथि कुटपिटको आरोपमा चार जना पक्राउ परेका छन् । घोडघोडी नगरपालिका-७ बस्ने २३ वर्षीय आकाश विक, २९ वर्षीय मोहन बम, २२ वर्षीय तारेशु बोहरा र २७ वर्षीय दुर्गा पुनामीमगरलाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कबिन्द्रसिंह बोहराले बताए । पक्राउ परेका चारै जनालाई इलाका प्रहरी कार्यालय सुखडले नियन्त्रणमा राखेर थप अनुसन्धान गरिरहेको छ ।
