धनगढी। चलचित्र पत्रकार सङ्घ नेपाल कैलाली जिल्लाको दोस्रो अधिवेशन सम्पन्न भएको छ। चलचित्र पत्रकार सङ्घ नेपालका केन्द्रीय अध्यक्ष समीर बलामीको प्रमुख आतिथ्यतामा दोस्रो कैलाली जिल्ला अधिवेशन सम्पन्न गरिएको चलचित्र पत्रकार संघ नेपाल कैलालीका संस्थापक अध्यक्ष पुष्पराज जोशीले जानकारी दिए।
दोस्रो अधिवेशनबाट विवेक नागरीको अध्यक्षतामा ११ सदस्य समिति चयन गरिएको छ। समितिको अध्यक्षमा विवेक नागरी, उपाध्यक्षमा रमा चन्द, सचिवमा लोकुसिंह ठकुरी, सह-सचिवमा यज्ञराज अवस्थी, कोषाध्यक्षमा यमुना साउद सर्वसम्मत चयन भएका छन्। यस्तै समितिको सदस्यमा रक्षा बागचन, कमल साउद, वीरेन्द्र सिङ, राज चौधरी , र महेन्द्र बहादुर चौधरीलाई चयन गरिएको समितिका सहसचिव यज्ञराज अवस्थीले जानकारी दिए ।
सुदूरपश्चिमको चलचित्र क्षेत्रलाई पत्रकारिताको माध्यमबाट उजागर गर्ने उद्देश्यले उक्त समितिले विगतदेखि काम गर्दै आएको छ। सोही अनुसार चलचित्र पत्रकार सङ्घको दोस्रो जिल्ला अधिवेशन गरिएको हो ।
