जल तथा मौसम विज्ञान विभागको मौसम पूर्वानुमान महाशाखाले देशभर कुनै उल्लेखनीय मौसमी प्रणालीको प्रभाव नरहेको जनाएको छ।
काठमाडौं । जल तथा मौसम विज्ञान विभागको मौसम पूर्वानुमान महाशाखाले देशभर कुनै उल्लेखनीय मौसमी प्रणालीको प्रभाव नरहेको जनाएको छ।
महाशाखाका अनुसार हाल कोशी, बागमती, गण्डकी र कर्णाली प्रदेशका पहाडी तथा हिमाली भूभागमा आंशिक बदली छ भने बाँकी भूभागमा मौसम मुख्यतया सफा रहेको छ।
आज दिउँसो कोशी र गण्डकी प्रदेशका पहाडी भूभागमा आंशिक बदली रहनेछ भने अन्य स्थानमा मौसम सफा रहने विभागले जनाएको छ।
त्यस्तै, आज राति गण्डकी प्रदेशको पहाडी क्षेत्रमा आंशिक बदली रहनेछ र बाँकी भूभागमा मौसम सफा रहने अनुमान गरिएको छ।
महाशाखाका अनुसार आज सूर्योदय बिहान ६ बजेर २२ मिनेटमा भएको र सूर्यास्त साँझ ५ बजेर १२ मिनेटमा हुनेछ।
