कैलाली। कैलालीमा मोटरसाइकल र स्कुटर ठोक्किँदा तीन जना घाइते भएका छन्। जिल्लाको गोदावरी नगरपालिका–२ मा महेन्द्रनगरबाट अत्तरिया आइरहेको से ४ प १०५० नम्बरको मोटरसाइकल र विपरीत दिशातर्फ गइरहेको ०१–०२–०५५ प १५३९ नम्बरको स्कुटर ठोक्किदा दुर्घटना भएको हो।
मोटरसाइकल चालक शुक्लाफाटा नगरपालिका–२ का भुपेन्द्र चन्द, स्कुटर चालक गौरीगंगा नगरपालिका–३ का ३० वर्षीय सरोज नेपाली र पछाडि सवार गौरीगंगा–२ की २६वर्षीया गरिमा धामी घाइते भएका छन्।मोटरसाइकल चालक चन्दको सेती प्रादेशिक अस्पतालमा उपचार भईरहेको प्रहरीले जनाएको छ। दुई जना घाइतेको पदमा अस्पतालमा उपचार भइरहेको छ।
