बौनिया। धनगढीमा रहेको सि पि अस्पताल प्रा.ली ले रसुवाका बाढी प्रभावितलाई सहयोग गरेको छ ।
सि पि अस्पतालले बाढी प्रभावितको राहतका लागि प्रधानमन्त्री दैवी उद्दार कोषमा ३ लाख ३५ हजार ३ सय पैतिस रुपैयाँ सहयोग रकम जम्मा गरेको हो ।
अस्पतालका प्रशासन प्रमुखले सामाजिक उत्तरदायित्व अन्तरगत बाढी प्रभावितका लागि प्रधानमन्त्री दैवी उद्दार कोषमा उक्त सहयोग रकम जम्मा गरिएको जानकारी दिए ।
उनकाअनुसार कोषमा सो रकम सोमबार जम्मा गरिएको हो । साथै सि पि अस्पतालले बाढीमा परेर घाइते भएकाहरुको शिघ्र स्वास्थ्य लाभको कामना गरेको छ । ज्यान गुमाएकाप्रती दुःख व्यक्त गर्दै श्रद्धाञ्जली दिदै सम्पर्कविहीन नागरिक सकुशल फेला परुन भन्ने कामना समेत अस्पतालले गरेको छ ।
